Декани факултет – номзади илмҳои филология, дотсент Сайдализода Шодмон Абдувоҳид.
Маълумотнома
Сайдализода Ш.А. 17 – уми майи соли 1989 дар Ҷумҳурии Тоҷикистон дар оилаи коргар таваллуд шудааст. Соли 2006 мактаби таҳсилоти миёнаи умумии №13 – и шаҳри Ҳисорро хатм намуда худи ҳамон сол ба факултети шарқшиносӣ, ҳоло факултети забонҳои Осиё ва Аврупои Донишгоҳи миллии Тоҷикистон (ДМТ) дохил шудааст. Соли 2011 Донишгоҳи миллии Тоҷикистонро бо дипломи ихтисоси шарқшинос – филолог, соли 2017 зинаи магистратураро бо ихтисоси иқтисодиёт-иқтисодиёти ҷаҳон бо дипломи аълочӣ ва ихтисоси ҳуқуқшинос бо дипломи аълочӣ хатм кардааст.
Соли 2012-2015 аспиранти рӯзона ва баъдан ғоибонаи факултети забонҳои Осиё ва Аврупои ДМТ, солҳои 2014-2019 ёвари муовини аввал, муовини ректор оид ба таълими ДМТ ва солҳои 2019 – 2023 мудири шуъбаи магистратураи ДМТ буданд Аз 18.12.2023 ба ҳайси иҷрокунандаи вазифаи декани факултети забонхои Осиё ва Аврупои ДМТ таъйин гардидааст.
Сайдализода Ш.А. ҷиҳати баррасии мавзӯҳои гуногуни илмию таълимӣ дар чандин конференсия ва ҳамоишҳои байналмилалӣ дар шаҳрҳои Душанбе (Тоҷикистон), Маскав (Русия), Деҳлӣ (Ҳиндустон), Остона (Қазоқистон), Ашкобод (Туркманистон) ва Тошкент (Ӯзбекистон) иштирок ва суханронӣ намудааст.
Сайдализода Ш.А. дар доираи фаъолияти кориаш бо Ҷоизаи ба номи И. Сомонӣ барои олимони ҷавон дар соҳаи илм ва техника (бахши филологӣ) – соли 2023, Ҷоизаи Кумитаи кор бо ҷавонон ва варзиш дар “Соли ҷавонон – 2017”, Аълочии маориф ва илми Ҷумҳурии Тоҷикистон, Аълочии фарҳанги Ҷумхурии Тоҷикистон ва соҳиби чандин ифтихорнома ва сипосномаҳои сохторҳои мухталифи ҷумҳурӣ гаштааст, ки муҳимтаринашон ифтихорномаҳои Вазорати маориф ва илми ҶТ, Ҳизби Халқии Демократии Тоҷикистон ва ДМТ мебошанд.
Сайдализода Ш.А. муаллифи зиёда аз 40 мақолаи илмию оммавӣ мебошад, ки дар робита ба самтҳои гуногуни илми филологӣ (2 монография ва 1 воситаи таълимӣ) пажуҳиши илмӣ ва дар робита ба татбиқи сиёсати маорифпарваронаи Асосгузори сулҳу ваҳдати миллӣ –Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон маводи оммавӣ нашр намудааст.
Оиладор, соҳиби 3 фарзанд мебошад.
Муовини декан оид ба таълим
Ҷобиров Давлятҷон Юсуфович– номзади илмҳои филологӣ, дотсенти кафедраи филологияи Эрони факултети забонҳои Осиё ва Аврупои Донишгоҳи миллии Тоҷикистон.
14-уми августи соли 1958 дар нохияи Дарвози вилояити ВМКБ таваллуд шуда, соли 1975 мактаби миёнаро хатм намуда, соли 1976 ба шуъбаи рӯзонаи факултети забонњои Шарқи Университети давлатии Тоҷикистон ба номи В.И. Ленин (ҳоло Донишгоҳи миллии Тоҷикистон) қабул шуда, то соли 1979 таҳсил намудааст. Номбурда солҳои 1979-1980 ба сифати тарҷумони ҳарбӣ аз тарафи Вазорати мудофиаи СССР дар Ҷумҳурии Афғонистон хизмат намудааст.
Солҳои 1981-1982 дар шуъбаи рӯзонаи факултети забонҳои Шарқи Университети давлатии Тољикистон ба номи В. И. Ленин таҳсилашро идома додааст.
Мазкур аз соли 1982 то 1984 ба сифати тарҷумон аз тарафи Вазорати авиатсияи граждании СССР дар Ҷумҳурии Афғонистон хизмат намудааст.
Солҳои 1984-1985 дар шуъбаи рӯзонаи факултети забонҷои Шарқи Университети давлатии Тоҷикистон ба номи В. И. Ленин таҳсилашро идома додааст.
Соли 1985 Донишгоҳи миллии Тоҷикистонро бо ихтисоси забон ва адабиёти Шарқ бомуваффақият хатм намудааст. Солҳои 1985-1989, ба сифати лаборант ва мудири кабинети кафедраи филологияи Эрони ДМТ кор ва фаъолият намудааст.
Солҳои 1989-1992 дар шуъбаи рӯзонаи аспирантураи Донишгоҳи миллии Тољикистон таҳсил намудааст. Рисолаи номзадиро дар мавзӯи «Зиндагӣ ва эҷодиёти Ҳазини Лоҳиҷӣ» соли 2003 ҳимоя намудааст.
Аз соли 1993 то имрӯз дар вазифаҳои ассистенти кафедра, муаллими калон ва дотсенти кафедраи филологияи Эрон фаъолият мекунад.
Аз моҳи апрели соли 1995 то имрӯз дар вазифаи муовини декан оид ба таълими факултети забонҳои Осиё ва Аврупо (пеш Шарқшиносӣ)-и Донишгоҳи миллии Тоҷикистон фаъолият дорад.
Дар соли 2018 барои хизматҳои бисёрсола дар соҳаи маорифи кишвар, иҷрои корҳои илмию таҳқиқотӣ, иштирок дар корҳои ҷамъиятӣ ва ба камол расонидани мутахассисони баландихтисос бо Фармони Президенти Ҷумҳурии Тоҷикистон ба унвони «Корманди шоистаи Тоҷикистон» мушарраф гардидааст.
Муовини декан оид ба тарбия
Саидов Одинаҳмад Сайдамирович 11 – уми феврали соли 1994 дар ноҳияи Муъминободи вилояти Хатлон ба дунё омадааст. Соли 2012 мактаби миёнаро бо баҳои аъло хатм намуда, ба факултети забонҳои Осиё ва Аврупои Донишгоҳи миллии Тоҷикистон дохил гардидааст. Соли 2017 донишгоҳи мазкурро аз рӯи ихтисоси мутахассис оид ба робитаҳои байнифарҳангӣ, тарҷумон – референт (арабӣ – англисӣ) хатм намудааст.
Ҳамчунин, солҳои 2017 – 2019 дар зинаи магистратураи факултети забонҳои Осиё ва Аврупои Донишгоҳи миллии Тоҷикистон аз рӯи ихтисоси таъминоти забонии робитаҳои байнифарҳагӣ (забони арабӣ) аз рӯи касби шарқшинос таҳсил намудааст. Ҳамзамон, аз моҳи январи соли 2020 ба ҳайси унвонҷӯи кафедраи филологияи Эрони ДМТ мебошад.
Курси таҷрибаомӯзӣ ва такмили забономӯзиро моҳҳои ноябр – декабри соли 2018 дар Ҷумҳурии Мисри Араб гузаронидааст.
Фаъолияти кориро бошад аз Донишгоҳи миллии Тоҷикистон оғоз намуда, то инҷониб, дар вазифаҳои лаборанти калон, ассистент ва муовини декан оид ба корҳои тарбиявии факултети забонҳои Осиё ва Аврупо фаъолият менамояд.
Рисолаи номзадиаш дар арафаи ҳимоя қарор дорад. Муаллифи беш аз 20 мақолаҳои илмӣ ва оммавӣ мебошад.
Дар баробари ин, оид ба мавзуҳои ҷанбаи сиёсию идеологӣ дошта, аз қабили, терроризму экстремизм, ифротгароии динӣ, ташаббусҳои байналмилалии Тоҷикистон, истиқлоли сиёсӣ, амният, сулҳу субот, сиёсати хориҷӣ, ҷавонон ва ғайра пайваста мақолаҳо ба нашр мерасонад.